Mbretëresha Elizabetë mësohet se i ka dhënë leje kryeministrit Boris Johnson që të ushtrohet e stërvitet në ambjentet e Buckingham Palace, teksa kreu i qeverisë britanike vijon të marrë veten nga koronavirusi.
Johnson është parë të hyjë në ambjentet e pallatit mbretëror, pasi mbërriti atje me Range Rover dhe i veshur sportiv. Ai po përpiqet të humbasë pak në peshë ndërsa është këshilluar nga mjekët që të mos pësojë lodhje fizike e mendore e për këtë do ti shërbente pak vrap. Për shkak të rregullave të distancimit fizik, kreu i qeverisë nuk mund të stërvitet në natyrë ndaj ka kërkuar leje për të shfrytëzuar ambientet e Bunckingham Palace.
55 vjecari po stërvitet prej ditësh në oborrin e pallatit mbretëror, për ti shpëtuar edhe syrit të paparacëve, ndonëse fotot nuk kanë munguar. Bunckingham Palace vijon të qëndrojë i mbyllur për turistët e huaj, ndonëse në këtë periudhë të vitit zakonisht gëlon nga vizitorët./Fjala.al/Burimi:Mirror
