Një aksident tragjik i ka marrë jetën një shqiptari, rezident prej shumë vitesh në Itali.
Mediat italiane shkruajnë sot se aksidenti fatal ka ndodhur mëngjesin e sotëm ne autostradën ne drejtim te Bolonjës.
Viktima ishte banor në Rosolina, shqiptar i identifikuar me emrin Sokol Keci, i cili humbi jetën pikërisht sot, në ditën e tij të lindjes, kur mbushte 46 vjeç.
Ai doli nga rruga, u përplas me pjesën anësore të saj dhe më pas u përplas edhe me një automjet tjetër.
Plagët e marra ishin të mëdha dhe i shkaktuan vdekjen e menjëhershme. Ndërkohë që shoferi tjetër u shtrua në spital, po jo në gjendje kritike./b.b/fjala.al
