Deputetja e grupit parlamentar demokrat, Rudina Hajdari ka depozituar në Kuvend një projekt-ligj në lidhje me referendumet.
Projekt-ligji i drejtohet kryeparlamentarit Gramoz Ruçi dhe mban datën 26 maj 2020.
“Bazuar ne nenin 81, pika 1 te Kushtetutes, dhe ne nenin 68 te Rregullores se Kuvendit, ne cilësinë e deputetit te Grupit Parlamentar “Demokrat”, Ju depozitoj për shqyrtim dhe miratim ne Kuvend nismën ligjore: “Për Referendumet” – shkruhet në projekt-ligj.
Sipas Hajdarit, një ligj i tillë do t’i japë më shumë fuqi qytetarëve në vendimmarrjet madhore.
“Ligji për referendum u jep mundësi shqiptarëve për vendimmarrje madhore. Po të kishte referendum do ishte në këmbë Teatri sot. Basha të mbështesë propozimet tona, ndryshimin e sistemit zgjedhor dhe ligjin për referendumet, se këto kanë të bëjnë më Shqipëri demokratike. Nuk mund të mos shkojë në krahët e Edi Ramës. Këto dy mundësi ka Basha, sistemin e ri dhe ligjin për referendumet, vetëm kështu futemi në Evropë. Nuk është koha të merremi me pazare me marrëveshje. Sot u dakordësua për disa gjëra pa rëndësi”.
Ligjvënësja shqiptare edhe më herët ka deklaruar në Kuvend se shqipatrë duhet të zgjedhin me Referendum sistemi zgjodhor, por iu mohua. Para disa muajsh, dhe KQZ ka refuzuar një kërkesë për referendum të shoqërisë civile për ndryshimit e sistemit. Rudina Hajdari ka qenë e vetmja në Këshillin Politik të Reformës Zgjedhore për ndryshimin e sistemit, por sipas saj mazhoranca dhe opozita kanë rënë në konsesus për mosndryshimin e tij. Ndoshta këtë gjë deputetja kërkon ta arrijë me referendum./E.B./Fjala.al
