Vendndodhja e 28 tonë ar të epokës së nazistëve besohet se është fshehur në një pallat aristokratik në Silesian e poshtme.
Ari me vlerë miliarda euro si dhe sende të tjera me vlerë thuhet se ndodhen 60 metra nëntokë në fund të një pusi në pallatin Hochberg në Roztoka afër Walbrzych.
Supozimet për vendndodhjen e arit vijnë nga një ditar i shkruar gjatë Luftës së Dytë Botërore nga një oficer i ‘Waffen SS’, i cili përdor pseudonimin Michaelis, përshkruan operacionin për të fshehur thesarin e kontrolluar nga shefi i SS, Heinrich Himmler gjatë Luftës së Dytë Botërore.
Ditari jep detaje për njëmbëdhjetë vendndodhje në Silesian e Poshtme dhe Opole, ku janë fshehur gjëra të vlefshme përfshirë artin, artefakte fetare dhe depozita bankare, si dhe artet nga Gjermania, Polonia, Franca, Belgjika dhe Rusia.
Ditari zbulon se vendndodhja në Roztoka mban depozita ari të Reichsbank në Breslau, i cili tani njihet me emrin Wroclaw, thuhet se sendet me vlerë i përkasin qytetarëve të Silesias së poshtme, të cilët ia dhanë Waffen SS për ti ruajtur pasi Ushtria e Kuqe u afrua më 1945.
Vendet e tjera të shkruara në ditar thuhet se mbajnë objekte fetare të mbledhura nga organizata Ahnenerbe e Himmlerit, besohet se sendet janë vjedhur në të gjithë Evropën, duke përfshirë pikturën e famshme të quajtur “Portrait of a Young Man”, e pikturuar nga Raphael.
Ekzistenca e ditarit të shkruar në Luftën e Dytë Botërore doli në dritë marsin e vitit të kaluar kur një fondacion me emrin Silesian Bridge njoftoi se kishte siguruar ditarin nga partnerët e tij në Gjermani. Gjermanët dëshironin t’ia dhuronin ditarin kombit polak si një ndjesë për Luftën e Dytë Botërore, shkruan The First News.
Fondacioni tha se partnerët që dhuruan ditarin janë një shtëpizë e krishterë në Quedlinburg , një qytet i vogël në Saksoni-Anhalt, dhe anëtarët e saj janë pasardhësit e oficerit të Waffen SS, të cilët ishin gjithashtu anëtarë të elitës aristokrate./Fjala.al/R.G
