Inida Gjata, njohur nga të gjithë si Zhaku ka deklaruar se do të krijojë një parti të re, e cila do të quhet Partinë për Zhvillim Kombëtar.
Përmes një postimi në ‘Facebook’, ajo u ka bërë thirrje miqve dhe ndjekësve të saj që të mbledhin të paktën 3 mijë firma për krijimin e kësaj partie.
“Miq, a jeni gati te mbledhim bashkarisht te pakten 3000 firma votuesish per te regjistruar Levizjen tone politike ne Gjykate? Nese jeni te gatshem, duhet si me poshte:
Kerkese per regjistrimin e Partise per Zhvillimin Kombetar dhe emer, mbiemer, numri personal, vendbanimi dhe firma. Mund te mblidhni lirisht sa te doni dhe do te jemi ne kontakt te vazhdueshem bashke per cdo informacion dhe detaj. Bashkimi ben fuqine”,-ka thënë Zhaku.
Rikujtojmë që Zhaku doli kundër shembjes së Teatrit Kombëtar dhe në reagimet e saj ajo nuk ka kursyer fyerjet ndaj qeverisë. Një ndër përplasjet e saj ka qenë edhe ajo me Mustafa Nanon sepse ai tha se godina e teatrit nuk kishte vlera.k.t/Fjala.al/
