Regjisori dhe producenti i njohur, Leonard Bombaj në emisionin “Historia ime” nuk ka nguruar të flas për anën profesionale edhe për jetën e tij private dhe njohja me bashkëshorten.
Bombaj shprehet se historia e tyre është mjaft interesante. Ata janë njohur në kohën kur ai ishte duke kërkuar nëpër shkolla aktorë. Fillimisht nuk kishte zgjedhur Aldën, por në momentin kur do largohej, vështrimi i tij u ndesh me dy sy që po shikonin. Këtu nisi gjithçka për të vazhduar më pas me një histori shumë të bukur dashurie.
Sot Bombaj dhe Esmeralda janë prindër të dy fëmijëve dhe vetë producenti shprehet se e do njësoj si atëherë, ndoshta edhe më shumë.
“Tingujt e Harresës” është filmi që është njohur me bashkëshorten! Është filmi që jam njohur me bashkëshorten. Me thënë të drejtën po të fillojmë nga pjesa civile e njohjes, ishte koha kur unë isha akoma një beqar, jo i vonuar, por një beqar që nuk doja ta prishja statusin tim të beqarisë. Ishe problematik si beqar apo jo?
Jo problematik, po nuk më pëlqente fjala që unë fejohem. Madje edhe kur u lidha me të dashurën time, që shumë shpejt ajo më prezantoi me familjen dhe unë s’kisha shans ta quaja të dashur, domethënë ma punoi ajo mua. Unë ia prezantoja shoqërisë, miqëve të mi dhe i thoja e fejuara dhe të gjithë qeshnin dhe kjo ka zgjatur një muaj rresht. Por historia më e bukur është si e kam njohur Aldën, kjo ka qenë shumë interesante. Ishte momenti që ne donim një personazh që të ishte dhe e bukur, por edhe e fshehur në bukurinë e vet. Një njeri që është i harruar me jetën e vet, duhet që ta fshehë atë gjë dhe na duhej një personazh i tillë.
Në momentin kur e kam njohur Aldën, ka qenë momneti kur hynim nëpër shkolla dhe kërkonim aktorët. Ne shikonim imazhet që na dukeshin të përshtashëm, Aldën nuk e zgjodha në asnjë vend, në asnjë nga klasat që hyra. Ka qenë shumë e çuditshme dhe unë këtë e quaj vërtet, siç themi ne, çfarë është e shkruar është e shkruar. Mbasi mbarova zgjodha tre vajza tek klasa e Aldës, po mbyllja derën dhe tani imagjino kur mbyllet dera, këtu është bordura, këtu është dera që mbyllet dhe mbetet vetëm pak, dhe unë pashë vetëm dy sy që po shikonin.
Imagjino po mos e kisha mendjen, sot nuk do të ishte bashkëshortja ime. Edhe derën e kam hapur prapë dhe i kam thënë: Po juve ju pëlqen të vini për film? Po tha kjo. Tani si ta quaj unë këtë mbas kaq vitesh, isha unë që e kërkova apo ishte ajo që më kërkoi mua? Me Esmeraldën kam 25 vjet
gj.b/fjala.al
