Kylie Jenner është gënjeshtare dhe aspak miliardere, akuzon Forbes.
Linja kozmetike e 22 vjeçares është vënë nën presion të madh pasi Kylie tregton produkte krejt të lira, me një shërbim ndaj klientit të tmerrshëm e shumë të tjera.
Akuza e rëndë vjen nga revista “Forbes” e cila e akuzon biznesmenen se gënjen për statusin e saj si miliardere e madje, autoritetet amerikane kanë vënë në pikëpyetje edhe suksesin e biznesit të saj, ndryshe nga sa reklamohet në rrjetet sociale e media. Sipas të dhënave që Forbes ka siguruar më herët nga Zyra e Statistikave për Bizneset, klientët janë ankuar për cilësinë “e lirë” të të gjitha produkteve të saj të kozmetikës.
Dikush shkruante në ankesën e saj, madje një personazh i njohur: “Peneli është ngjitës dhe nuk ka pigmnet. Paratë mesa duket shkojnë vetëm për emrin. Buzëkuqi as nuk duket në foto. Është cilësi e dobët”.
Një tjetër shkruan: “Gjëra të lira, nuk vlejnë asnjë grosh. Më ngelën në derë këto produkte duke qënë se paratë nuk kthehen mbrapsht”.
Klientët madje janë ankuar edhe për shërbimin e tmerrshëm ndaj klientit, askush prej tyre nuk është i sjellshëm dhe nuk ka dëmshpërblim për sjeljen, zhgënjimin e as për produktet e tmerrshme që tregojnë.
Të premten, revista prestigjoze Forbes publikoi artikullin me dyshimet për listimin e Kylie si miliarderja në moshë më të re në botë për vitin 2019.
Ajo e ruajti këtë statusin edhe për 2020-ën, pasi shiti 51% të aksioneve të kompanisë së saj Kylie Cosmetics ndaj kompanisë Coty, për shumën e 1.2 miliardë dollarëve. Kylie reagoi përmes Tëitter në mbrojtje të vetes dhe kompanisë së saj.
Një burim tha për tabloidin “The Sun” se Kylie dhe nëna e saj Chris Jenner janë nën presion tashmë dhe i frikësohen se këto informacione, të nxjerra publikisht edhe nga autoritetet pas një investigimi, mund të shkatërrojnë reputacionin e bredit të tyre, e aq më keq, mund të ketë probleme me qeverinë amerikane.
Kylie e nisi biznesin e saj fillimisht me linjën e buzëkuqit Kylie në vitin 2015. Në 2018, ajo nisi edhe linjën e trajtimeve për lëkurën Kylie Skin, një linjë me produkte vegjetale./Fjala/k.b
Burimi: The Sun
