Policia e Tiranës ka zbardhur një ngjarje të rëndë kriminale, duke vënë në pranga 4 persona.
Burime zyrtare njoftojnë se një 65-vjeçar me iniciale A.D. ka abuzuar seksualisht me dhune më një të mitur 15-vjeçe dhe pas abuzimit i kishte bërë video intime.
Mësohet se ai këto video ua kishte dhenë tre shtetasve, konkretisht K.P., 20 vjeç, R.O., 16 vjeç dhe F. B., 15 vjeç, të cilët në bashkëpunim me njëri-tjetrin, nën kërcënimin e publikimit të videos, dhe ata kanë kryer marrëdhënie seksuale me dhunë me të miturën. Edhe të rinjtë kanë bërë video intime që t’ua shpërndanin personave të tjerë, por u parandalua me ndërhyrjen e Policisë.
“Në dhomën e intervistimit të të miturve dhe në prezencë të nënës, psikologes dhe avokates, specialistët për Hetimin e Krimeve nën drejtimin e Prokurorit, kanë administruar dëshminë e vajzës dhe të gjitha provat që implikojnë shtetasit e lartpërmendur. Gjithashtu është bërë e mundur të sekuestrohen në cilësinë e provës materiale dhe dy telefona celular në të cilët ndodheshin videot. ” njofton policia.
Mësohet se të 4 abuzuesit me të miturën kanë përfunduar pas hekurave, për veprat penale “Marrëdhënie seksuale ose homoseksuale me të mitur”, ”Marrëdhënie seksuale ose homoseksuale me dhunë me të mitur të moshës 14 deri në 18 vjeç”, “Shtytja e të miturëve në krim” dhe “Vepra të turpshme”, të gjitha kryer në bashkëpunim.
Në bashkëpunim me Prokurorinë po vijon puna për të verifikuar nëse ka persona të tjerë të implikuar në këtë rast të abuzimit seksual me dhunë me të mitur./E.B./Fjala.al
