Ashley Graham shfaqet për herë të parë në kopertinën e një revistë, duke i dhënë gji fëmijës së saj, që e solli në jetë në muajin janar dhe imazhet janë cilësuar mahnitëse.
Modelja 32 vjeçare rrëzëllen me të birin 4 muajsh në krah në kopertinën e revistës “Harper’s Bazaar” për muajin korrik.
Fotot janë realizuar nga bashkëshorti i saj Justin Ervin në shtëpinë e tyre në Nebraska, atje ku çifti është izoluar që prej muajit maj pas shpërthimit të pandemisë. Edhe pse gjatë viteve të fundit, modelja është shfaqur krejt e lirë mbi pasarelë apo gjatë seteve fotografike dhe mbi të gjitha krenare për format e saj trupore, sot ajo rrëfen se transformimet fizike gjatë shtatzënisë e kanë lodhur dhe torturuar.
“Gjatë shtatzënisë asgjë nuk ka rëndësi, trupi ndryshon me shpejtësi çdo ditë. Më është dashur kohë të përshtatem, ishte e vështirë edhe psikologjikisht. Më dukej sikur një alien kishte pushtuar trupin tim” rrëfen modelja.
Ashley Graham pranon se pret me padurim kthimin në punë por edhe se po i shijon pa fund ditët e izolimit dhe qëndrimit në familje me të birin e porsalindur./dailymail/r.g/fjala.al
