Pikërisht në seancën e parë të zhvilluar në impiantin mitik Anfield Road pas emergjencës së pandemisë, skuadra e Liverpool bëri një gjest të fuqishëm solidariteti në favor të lëvizjes “Black Lives Matter” gjatë seancës së tyre stërvitore.
Secili prej lojtarëve të skuadrës kampione të Europës u gjunjëzua në tapetin e blertë në qendër të fushës. Futbollistët kishin veshur fanela me ngjyra të ndryshme duke dhënë imazhin e diversiteit dhe kundër racizmit, një temë e nxehtë së fundmi që ka ngjallur protesta të dhunshme në SHBA, pas vrasjes së një të riu afro amerikan nga policia e Minneapolis.
Georginio Wijnaldum ndau imazhin ndikues në mediat sociale, duke shkruar: “Bashkimi bën fuqinë”. Ishte seanca e parë e stërvitjes që kishte armata e Jurgen Klopp në Anfield si një ekip i tërë, pasi sezoni u ndal përkohësisht për shkak të pandemisë në vazhdim të coronavirusit. Por futbollistët zgjodhën të ndalojnë seancën për të bërë një dalje domethënëse.
Liverpool bëhet skuadra e parë e Premier League që ofron një “qëndrim” mbështetës për lëvizjen Black Lives Matter.
