Mustafa Nano është një prej atyre që është vetëdeklaruar pro prishjes së godinës së Teatrit Kombëtar. Në emisionin HARD TALK NGA ROLAND QAFOKU, për Grupin Mediatik “FJALA” Nano sqaroi këtë vendim duke thënë se e vetmja vlerë në atë godinë është se është themeluar shkolla e teatrit por veprat e e luajtura aty kanë qenë socialiste.
-Ajo që na shokoi të gjithëve, në mes të pandemisë, në mes të karantinës, u shkatërrua Teatri. Edhe socialistë kam dëgjuar që thonë: “Ç’na e pati ky kryeministri këtë”
-Unë socialistët nuk i kam dëgjuar sepse Shqipëria është e ndarë në dy pjesë, dhe sa herë që ka çështje të tilla pjesët janë kompakte, në favor apo kundër çështjes.
-Ju jeni shprehur publikisht se keni qenë pro prishjes së Teatrit. Pse duhej të prishej?
– Duhet të kemi parasysh që ajo është në qendër të qytetit, një nga vendët më t ërëndëishme që mund të ekzistojnë në Shqipëri, me vlerë të madhe dhe në terma financiare si vend. Do duhej të ruhej vetëm për hir të historisë dhe biografisë që ka, po tani edhe këtu ekzagjërohet një çikë. Nuk është tradita e teatrit britanik apo italian. Është tradita e teatrit socialist. Mos ta ekzagjërojmë dhe shumë. Nëpërmjet të cilave u është shpëlarë truri njerëzve.
-Ju kujtohet drama e parë që keni parë në teatër?
-Nuk e di, kam qenë student, kam përshtypjen që ka qenë kjo komedia që pastaj u bë e famshme, Pallati 176. Unë kam shkuar shpesh në teatër dhe pothuaj nuk kam lënë asgjë pa parë dhe e njoh mirë atë ndërtesë. Jam ngjitur dhe në skenë kam dhënë shoë-n tim. Kam dëgjuar dhe njerëz që shprehin konsiderata për ndërtesën edhe në terma arkitekturorë. Mua nuk më është dukur ndonjë gjë me thënë të drejtën, ose ndoshta nuk kam kompetencën e duhur për të dhënë konsiderata të kësaj natyre por kur më është kërkuar një opinion e kam dhënë. Mbi bazën e opinionit tim modest, është një ndërtesë, një karikatinë. Nuk ka pasur ndonjë vlerë. E vetmja gjë që ka pasur ka qenë kjo, ka pasur një biografi të rëndësishme. Biografia e saj duhet kondensuar te fakti që aty është krijuar shkolla e teatrit./Fjala.al/k.b
https://www.youtube.com/watch?v=RQqM1x1kHVo
