Kush është Pedro Rodriguez Ledesma, krenaria nga ishujt Kanarie që arriti të fitojë botërorin, një anësor teknik që cilësohet si “Kanibal” i finaleve, aty ku shënon dhe ngre trofetë. Spanjolli i lindur në Santa Cruz de Tenerife, që është në skadencë të kontratës me Chelsea, është “sugjestioni” i fundit i merkatos së Juventus, një “joshje” e torinezëve që mund të vijë me parametër zero në Serinë A.
Me gola epikë nga finalet e Champions League në Kupën e Botës së Klubeve, ai shënon dhe vendos ndeshje vendimtare, pikërisht aty ku “Zonja e Vjetër”, dridhet shpesh. Vitin e kaluar, pothuajse këto ditë, ai shënoi një gol historik kundër Arsenalit. Ishte 29 Prill, finalja e Europa League e fituar nga Chelsea. Pastaj Pedro shtoi një “tullë” në murin e tij të trofeve duke u bërë lojtari i pestë që shënoi si në një Kupë Europiane, ka përfshin Ligën e Kampionëve, UEFA dhe Europa League.
Para spanjollit, ia kishin dalë vetëm Allan Simonsen, Hernan Crespo, Dmitri Alenichev dhe Steven Gerrard. Tani Pedro është 32 vjeç, gati 33, dhe një kontratë në skadencë me Chelsea e shtyn të mendojë zgjidhje alternative. E ardhmja e tij është një enigmë dhe Juve dinake pret të lëvizë në rastin më të parë. fjala.al
