“Blackout Tuesday”, kjo është fushata që ka nisur sot në të gjithë territorin e Shteteve të Bashkuara të Amerikës, por edhe në disa shtete në Evropë, si shenjë proteste për vrasjen e afro-amerikanit George Floyd.
Fushata është ndërmarrë nga industria e muzikës në SHBA dhe është mbështetur nga industri të tjera si ajo e modës. “Shfaqja duhet të ndalet”, thuhet në mesazhet e publikuara në rrjetet sociale dhe ku kërkohet që puna të lihet mënjanë për t’ju bashkuar komunitetit në kërkesën për të respektuar të drejtat e njerëzve me ngjyrë në SHBA.
Protesta të dhunshme vijojnë prej ditësh në SHBA pas vrasjes së Floyd, ndërkohë që në shumë shtete është angazhuar garda federale.
