Ambasada e SHBA-së në Tiranë është investuar maksimalisht për realizimin e reformës zgjedhore. Edhe mbrëmjen e djeshme, kur palët politike dështuan sërish për të arritur marrëveshjen, ambasadorja Yuri Kim bëri një deklaratë të fortë duke kërkuar që të tërhiqen të gjitha kushtet që nuk bazohen në rekomandimet e OSBE/ODIHR.
Por sot Ambasada ka bërë me dije se Yuri Kim do të dalë në një deklaratë për mediat shqiptare. Deklarata do të ketë në fokus pikërisht këtë çështje, reformën zgjedhore.
Janë të rralla rastet kur një ambasador amerikan njofton paraprakisht për një deklaratë për mediat, pasi zakonisht ato bëhen në fillim të takimeve zyrtare apo në konferenca shumëpalëshe.
Ndërkohë, mësohet se në rezidencën e ambasadores kanë mbërritur përfaqësuesit e partive.
-Asnjë rezultat për “Zgjedhoren”/Vijojnë dhe sot negociatat me përfaqësuesit e Këshillit Politik
