27 lojtarë dhe staf teknik i ekipit të Bylist kanë rezultuar negativ në testin për koronavirusin. Përgjigjet e testeve kanë dalë sot dhe të gjithë lojtarëve u është konfirmuar se nuk janë të infektuar me COVID-19.
Frika te ekipi i Bylisit dhe te e gjithë Superliga shqiptare u rikthye pas konfirmimit të Eridon Qardaku me koronavirus. Lojtari shkodran i Bylist rezultoi pozitiv në testin e parë, çka vuri në pikëpyetje edhe rinisjen e kampionatit.
Por tani që lojtarët e tjerë kanë rezultuar negativ, program do të vijojë sipas parashikimit. Ndeshja Bylis-Tirana do të zhvillohet sot në orën 17:00.
Ndërkohë dje, në një prononcim për gazetaren e grupit mediatik “Fjala”, Katerina Tafa, futbollisti u shpreh se ka kërkuar që t’i bëhet tamponi por deri tani nuk ka marrë asnjë përgjigje.
Eridon Qardaku deklaroi së të gjithë lojtarëve dhe stafi i Bylisit kanë bërë tamponë për Covid-19 si masë paraprake për të ndaluar përhapjen në ekip.
