Është vetëdorëzuar autori i cili qëlloi pak më parë me armë zjarri në afërsi të Bashkisë Kamëz. Bëhet me dije Ronald Kryemadhi ka bërë rezistencë për 24 orë pasi policia ka shkuar në banesën e tij për ta shoqëruar në Gjykatë, pasi akuzohej për dhunë në familje.
Në momentin që policia ka hyrë në banesën e tij, Kryemadhi ka nxjerrë armën e zjarrit të tipit pistoletë dhe ka kërcënuar se do të vriste fëmijët dhe uniformat blu. Bëhet me dije se Kryemadhi ishte besimtar dhe nuk lejonte vajzat të shkonin në shkollë.
Menjëherë në vendngjarje ka shkuar RENEA, FSHN dhe forcat e DVP Tiranë duke rrethuar banesën e tij. Pas negociatave, Kryemadhi është vetëdorëzuar.
Ndërkohë Kryemadhi është shoqëruar në ambientet e Komisariatit numër 5, për procedura të mëtejshme. Grupi hetimor vijon kontrollin në banesë, për gjetjen dhe sekuestrimin e armës së zjarrit.
“Kemi shoqëruar në mënyrë të detyrueshme një person për në gjykatë e Tiranës. Ky akuzohet për dhunë në familje dhe nuk lejon që fëmijët të shkojnë në shkollë, pasi është besimtar. Sapo ka ardhur në banesë ky shtetas ka kundërshtuar punonjësit e policisë dhe nëse nuk do të largoheshin do të qëllon. Negociuam me të dhe u bë e mundur negocimi me këtë shtetas nga një punonjës i RENE-as. Po bëjmë kontrollin e banesës, se përveç kallashnikovit ka pasur edhe një pistoletë. “, është shprehur drejtor në Policinë e Tiranës, Rebani Jaupi./r.g/fjala.al
