Edhe pse ende nuk ka nisur sezoni aktual i Formula 1 dhe janë paralajmëruar ndryshime, në kampin e ferrari premtojnë “shkëndija” në kampionatin e 2021. Dy “gjela” në një kotec si Leclerc dhe Sainz, nuk dihet farë rezultatesh do japin në pistë.
Gjermani Sebastian Vettel njoftoi se do të largohet nga Ferrari në fund të vitit, kohë kur edhe i përfundon kontrata me skuadrën italiane, ndërsa këta të fundit zyrtarizuan zëvendësuesin e tij vetëm pak ditë më vonë, duke i besuar spanjollit Carlos Sainz. por kush priste që ai të ishte numri 2, do të zhgënjehet.
“Nuk kam ardhur për të bërë numrin dy te Ferrari, por për të luajtur shanset e mia që të fitoj sa më shumë gara. Te Ferrari do jap gjithçka që të marr trofe pasi për mua nuk ndryshon ngjyra e makinës. I trajtoj të gjithë kolegët njësoj dhe për mua janë rivalë. Nëse do të ketë një situatë të komplikuar, të jini të sigurt se do marr vendimin e drejtë” tha Sainz. Ai këtë sezon do të garojë me Mclaren për tiu bashkuar më pas Ferrarit.
