Bashkëkryetari i Komisionit për Reformën Zgjedhore dhe përfaqësuesi i mazhorancës në tryezën e Këshillit Politik, Damian Gjiknuri foli sonte për prapaskenat e tryezës së Këshillit Politik, ndërhyrjen e ndërkombëtarëve dhe ecurinë e negociatave.
Gjiknuri tha se Partitë nuk kanë më komisionar në qendrat e votimit, duke shtuar se gjithçka monitorohet nga kamerat dhe se nuk ka më arsye pse njerëzit të mos besojnë me tek transparenca e zgjedhjeve.
“Partitë nuk kanë më komisionar, ata që do të administrojnë zgjedhjet janë njerëz që nuk janë anëtarë partie. Të gjithë komisionerët do të monitorohen në qendrat zgjedhore dhe të numërimit do të monitorohen me kamerat. Me të gjitha këto ndryshime nuk ka pse të ketë më dyshime tek ndershmëria e procesit zgjedhor.
Edhe nëse do të ndodh që një funksionar i shtetit do të punojë si komisioner, nëse kapet me shkelje, atëherë ai do të ndëshkohet duke mos punuar kurrë më në shtet,” deklaroi ndër të tjera Gjiknuri./l.m/Fjala.al
