Kryeministri më i ri i Kosovës, Avdullah Hoti ka treguar se prioritetit i tij kryesor mbetet lufta kundër pandemisë dhe rimëkëmbja ekonomike.
Më tej, ai shton se Qeveria e tij merr përgjegjësi të plota për të çuar përpara dialogun me Serbinë, duke mos lejuar ndryshim të kufijve dhe shkëmbim të territorit.
Postimi i plotë në Facebook:
Që në ditën e dytë të punës e miratuam Programin e Qeverisë së Republikës së Kosovës ?? për vitet 2020 – 2023!
Prioritet i imi mbetet lufta kundër pandemisë nga #COVID19 dhe rimëkëmbja e ekonomisë. Hapi i parë konkret në këtë drejtim është vendimi i marrë sot që t’i kërkojmë Kuvendit të Kosovës tejkalimin e përkohëshëm të rregullave fiskale, që të mund t’i dalim në ndihmë bizneseve dhe familjeve në nevojë të prekur nga pandemia.
Në plan afatgjatë kabineti im u zotua për zhvillim ekonomik, forcimin e shtetit ligjor, avancimin e demokracisë, luftimin e dukurive negative, veçmas krimit dhe korrupsionit.
Qeveria që udhëheqi unë merr përgjegjësi të plotë për të çuar përpara dialogun me Serbinë, në bashkëpunim me BE ?? dhe SHBA ??, duke mos lejuar ndryshim të kufijve dhe shkëmbim të territorit.
Na priftë e mbara!
/E.B./Fjala.al
