Familja e 15 vjeçares që u dhunua seksualisht nga roja i shkollës është detyruar të largohet nga banesa në periferi të Tiranës, për shkak të kërcënimeve dhe skandalit që u bë publik.
Situata ekonomike në këtë familje paraqitet e rënduar, ndërkohë që anëtarët jetojnë vetëm me rrogën e mamasë.
Për këtë arsye, Qendra shqiptare për të Drejtat e Fëmijëve dhe ‘Team Albanians’ kanë hapur një llogari në internet për t’i ardhur në ndihmë familjes së vajzës. Paratë e mbledhura do të shkojnë për terapinë e vajzës, shkollimin e saj dhe të tjera nevoja.
Në vetëm pak orë janë mbledhur 645 dollarë, ndërkohë që qëllimi është të mblidhen të paktën 5 mijë dollarë. Çdokush mund të kontribuojë në këtë llogari qoftë me një shumë modeste apo edhe me më shumë./Fjala.al
s.k
