Pasi palët politike arritën marrëveshjen për kodin e ri zgjedhor ka ardhur një reagim dhe nga Komisioneri për Zgjerim i BE-së, Oliver Varhelyi.
Përmes një reagimi në Twitter, ai falenderon palët për arritjen e marrëveshjes dhe thekson se ky është një hap i madh përpara në rrugën e Shqipërisë drejt Bashkimit Europian.
“Marrëveshja e sotme politike për Reformën Zgjedhore në Shqipëri është një arritje e madhe. Uroj ngrohtësisht të gjitha palët që përmes procesit gjithëpërfshirës arritën në këtë pikë. Reforma do të forcojë procesin zgjedhor, në përputhje me rekomandimet e ODIHR, në dobi të të gjithëve. Shqipëria bëri një hap të rëndësishëm përpara në rrugën e saj evropiane sot”, shkruan komisioneri.
