Rinisin sërish bisedimet për reformën zgjedhore. Në orën 19:30 do të mblidhet Këshilli Politik me kërkesë të OSBE-së. Mësohet se në tryezën e diskutimeve ka konfirmuar pjesëmarrjen opozita me përfaqësuesit e saj , Oerd Bylykbashi dhe Petrit Vasilin, ndërkohë që pritet përgjigjja nga mazhoranca.
Ndërkombëtarët kanë bërë rolin e negociatorit në këtë reformë pasi ditët e fundit kanë mbajtur takime me përfaqësuesit e Këshillit Politik. Ambasadorja e ShBA-së, Yuri Kim deklaroi para dy ditësh se marrëveshja është arritur dhe se “topi” tani i takon krye opozitarit Lulzim Basha, ndërsa ky i fundit ka thënë se është dhe një çështje për t’u zgjidhur.
Dakordësia nuk është gjetur ende për depolitizimin e administratës zgjedhore.
Sot ka patur dhe takime në selinë blu mes Bashës dhe kryetares së LSI-së, Monika Kryemadhit./E.B./Fjala.al
