Ministri i Brendshëm, Sandër Leshaj, së bashku me Drejtorin e Përgjithshëm të Policisë së Shtetit, Ardi Veliun janë duke zhvilluar një takim në Velipojë për masat që do merren për sigurinë e turizmit.
Kjo ishte hera e parë që Lleshaj del në krah të Veliut në publik, që pas skandalit me video-n e nënës së 15-vjeçarit të dhunuar nga policia, ndonëse nuk ka mbajtur fjalën gjatë këtij takimi.
Përmes një video-live në “Facebook” nga ky takim, Lleshaj ka thënë se duhet të merren masa që të ketë siguri të jetës e liri në këtë vend.
“Shkodra duhet të ketë më shumë siguri e liri për çdo qytetarë. Shkodra është një qytet me shumë histori dhe duke qenë se ka shumë histori na obligon që të sigurojmë të ardhmen e këtij qyteti dhe të jetë aty ku ka vendin në krye. Është një qytet që ka lind si qytet dhe duhet të qëndrojë aty ku ka vendin. Të fillojmë e turizmin, duke qenë se kemi kaluar në një situatë pandemie, të shpresojmë që turizmi të ndihmojë pak në situatën ku ndodhet vendi.
Duhet të mundësojmë që sezoni turistik të jetë një sukses i vërtetë dhe të arrijmë të rikuperojmë atë që kemi humbur gjatë periudhës së izolimit. Por mbi të gjitha duhet të sigurojmë që turizmi të mos dëmtojë mjedisin, ndaj dhe është e pranishme Drejtoresh e IKMT-së. Ndaj IKMT-ja punon së bashku me policinë dhe objektivi i tyre është që të mbajnë pastër ato zona që i përket publikut. Duhet të merren masa për sezonin turistik. Duhet më shumë siguri, më shumë siguri është më shumë liri për qytetarët.”- tha Lleshaj.k.t/Fjala.al/
