Shifrat e të prekurve dhe viktimave të koronavirusit vijojnë të rriten çdo ditë e më shumë në Maqedoninë e Veriut.
Ministria e Shëndetësisë e vendit fqinj ka njoftuar për 111 raste të reja me Covid-19 si dhe për dy të vdekur në 24 orët e fundit.
Këto të dhëna i referohen testimit të 853 mostrave në 24 orët fundit, ndërsa viktimat janë një grua nga Struga e moshën 53 vjeçe dhe një burrë nga Prilepi i moshës 80-vjeçare.
Në Shkup janë regjistruar 63 raste të reja, në Kumanovë 11, Shtip 12, Koçan 9, Tetovë 8, Veles 3 dhe nga 1 në Ohër, Gostivar dhe Kriva Pallankë. Shkupit vijon të mbetet qyteti me numrin më të lartë të të infektuarve me 1 264 raste ndërsa brenda qytetit, komuna e Çairit është me numrin më të lartë, me 125 të infektuar.
Më tej është bërë me dije se numri i personave të shëruar në këtë vend ka shkuar në 6 persona. Ndërsa që nga fillimi i pandemisë, janë realizuar 36,325 testime, nga të cilët kanë rezultuar pozitiv 3 025 prej tyre, kanë humbur jetët 153 persona, 1,646 janë shëruar kurse 1 226 raste ende janë aktivë, raporton Rel.
Shkupi, Tetova, Kumanova dhe Shtipi nga e premtja janë në izolim të plotë që do të vazhdojë deri të hënën në 05.00. Ministri e Punëve të Brendshme ka njoftuar se për mosrespektim të orës policore janë ndaluar 386 persona, të cilët do të përballen me procedura kundërvajtëse.k.t/Fjala.al/
