Përpjekjet e bashkisë së Tiranës për të siguruar 30 milionë euro kredi për ndërtimin e Teatrit të ri Kombëtar, pas shembjes së godinës së vjetër, Edi Rama i konsideroi pjesë të planit kombëtar për rimëkëmbjen e vendit.
Në emisionin “Open”, kryeministri tha se këtë muaj do të bëhet publik plani i rimëkëmbjes, i cili do të fokusohet në rritjen e investimeve dhe rritjen e punësimit.
“Ne kemi hyrë në një fazë tjetër dhe jemi në gjendje ta bëjmë këtë sepse e kemi plotësisht të mundur që në kushtet kur po synojmë një program agresiv të financimit të ekonomisë, kjo është një pjesë modeste e tërësisë së investimeve që do bëjmë. Brenda qershorit ne do të shpallim planin kombëtar të rimëkëmbjes dhe synon një injektim shumë të fort në ekonomi nëpërmjet investimeve dhe injektim nëpërmjet punësimit. Injektim për të krijuar sa më shumë xhiro dhe vende pune.
Sidoqoftë, në rastin konkret, ne bashkisë së Tiranës i kemi dhënë garancinë sovrane dhe shpresoj se shumë shpejt do të garancojë financimin nëpërmjet institucioneve ndërkombëtare. Nuk mund ta linim Shqipërinë pa teatër”, deklaroi Rama./Fjala.al
Ndihma ekonomike/Rama: Nuk kam thënë që do ketë paketë të tretë
Rama: Koalicion i PS me LSI? Jo
s.k
