Forca të shumta policie rrethojnë spitalin e Traumës, ku pak minuta më parë, ka mbërritur i plagosuri i atentatit të mëngjesit të sotëm Ardian Çapja.
Burime nga bluzat e bardha bëjnë me dije se ai do ti nënshtrohet një ndërhyrje kirurgjikale, ku ka marrë një plumb në shpatull.
Sipas informacione mësohet se 55-vjeçari është jashtë rrezikut për jetën, por mjekët do të sqarojnë zyrtarisht gjendjen e tij shëndetësore pasi të kryejnë ndërhyrjen. Ardian Çapja dyshohet se është qëlluar me snajper.
Sipas informacioneve autorët e kanë kryer atentatin nga kodrat e Krastës, të cilat ndodhen rreth 500 m larg në vijë ajrore larg kompleksit “Univers”, ku ka dhe banesën e tij 55-vjeçari.
