Në fillim Beyonce ishte e tmerruar nga ideja se do të niste një biznes të sajin. Ajo thotë se e kishte të vështirë edhe të vinte një bast për veten e suksesin e saj por sot pranon se gjithçka shkoi mirë dhe ajo nuk u pendua për asnjë moment.
Por bashkëshortja e reperit Jay Z thotë se ende në vitin 2020, jetojmë në një botë seksiste raporton Daily Mail.
“Bota, sidomos ajo e biznesit, është krejtësisht e dominuar nga burrat dhe si grua, nuk kam parë kurrë një grua tjetër si model për t’ju ndjekur në këtë fushë sepse atyre nuk u jepet kurrë mundësia” rrëfen këngëtarja.
Ajo shton më tej: “Jo shumë gra me ngjyrë kanë pasur një vend në tavolinë. Kështu unë shkova, gjeta drurin dhe ndërtova tavolinën time. Bashkë me veten, ula në atë tavolinë njerëz të aftë, burra e gra”.k.t/Fjala.al/
