Kreu i Kadastrës, Artan Lame deklaroi për mediat se sot hapet procesi i regjistrimit fillestar i tokave që ndodhen në 8 zona kadastrale në bregdetin e jugut. Lame bëri me dije se do të nisë regjistrimi për zonat: Palasë, Dhërmi, Vuno, Lukovë, Gjilek, Ilias, Himarë dhe Nivicë.
“Sot Kadastra hap zyrtarisht regjistrtimet në 8 zonat bregdetare. Zonat janë: Palasë, Dhërmi, Vuno, Lukovë, Gjilek, Ilias, Himarë dhe Nivicë.
Fillon procesi i regjistrimit fillesar në zonat e bregdetit, në jug të vendit. Në këtë proces do të përfitojnë rreth 8 mijë banorë të këtyre zonave.
Lame tha se ky proces ka nisur disa herë, por është braktisur. Ndërsa i premtoi banorëve se shteti këtë herë do ta çojë deri në fund. Ai tha se procesi do të monitorohet nga ekspertët e drejtorisë së Kadastrës në Tiranë.
“Ju premtojmë të gjithë banorëve të këtyre zonave se ky proces do të shkojë deri në fund. Do të trajtohen 5200 pasuri.
Jemi ndeshur me presione të shumta, jemi ndeshur me zhdukje me fshehje dokumentacioni, por do i japim fund këtij kalavari.
Nga banorët kërkojmë vetëm besim dhe bashkëpunim. Të na dorëzojnë të gjithë dokumentacionin që kanë. Kjo do krijojë mundësinë për investime të ligjshme në Jug të vendit, deri te hotelet e komplekset e mëdha turistike. Do ulë konfliktet për pronën”. tha Lame.
Artan Lame bëri të ditur se procesi do të zgjasë disa muaj, ndërsa do të krijohet edhe mundësia për investime.
l.m/Fjala.al
