Policia e Shtetit ka përjashtuar nga radhët e uniformave blu punonjësin e policisë kufitare në pikën e Kakavijë, i cili u denoncua mbrëmjen e sotme nga emisioni investigativ “Fiks Fare” pasi iu kishte kërkuar disa qytetarëve marrëdhënie intime në këmbim të kalimit të tyre ilegal në Greqi.
Bëhet fjalë për punonjësin e Policisë shtetasin P. Ç., trup shërbimi në Drejtorinë Vendore për Kufirin dhe Migracionin Gjirokastër.
Policia e Shtetit falënderon median dhe qytetarët dhe i inkurajon ata që të denoncojnë çdo abuzim me detyrën, nga punonjësit e Policisë, duke i garantuar reagim të menjëhershëm dhe të paanshëm.
Nëpërmjet kamerave të fshehta, emisioni investigativ faktoi se punonjësi ka lidhje të forta me grupet kriminale që trafikojnë njerëz për në Greqi. Duke shfrytëzuar këto lidhje, punonjësi u kërkon favore këtyre shtetasve./E.B./Fjala.al
