Është transportuar me helikopter drejt Tiranës 35-vjeçari i cili mbeti i plagosur në aksidentin e regjistruar pasditen e sotme në aksin rrugor Korçë-Maliq, pranë fshatit Bulgarec.
Bëhet fjalë për drejtuesin e fugonit të Postës Shqiptare, shtetasin me iniciale K.P. Mësohet se ai ndodhet në gjendje të rëndë shëndetësore dhe është marrë vendimi për t’a transferuar drejt spitalit të Traumës në Tiranë për një mjekim më të specializuar.
Pas aksidentit u desh të sharrohej dera e fugonit tip “Volkswagen” të Postës Shqiptare për ta nxjerrë 35-vjeçarin jashtë automjetit.
Njoftimi i aksidentit:
Më datë 09.06.2020, rreth orës 14:00, në aksin Korçë-Bulgarec, janë përfshirë në një aksident rrugor mjeti tip “Benz” me drejtues shtetasin N. S., me mjetin furgon tip “Volkswagen” të Postës Shqiptare, me drejtues shtetasin K. P., rreth 35 vjeç, i cili për pasojë është dëmtuar dhe u transportua në Spitalin e Korçës për mjekim, ku ndodhet nën kujdesin intensiv të mjekëve.
Shtetasi N.S, ndodhet i shoqëruar në ambientet e Komisariatit për veprime të mëtejshme.
Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidentit.
/E.B./Fjala.al
