Polemikat e vazhdueshme mes drejtuesve të Brescia dhe sulmuesit të kombëtares italiane Mario Balotelli, u pasuruan me një kapitull të ri, sa kontrovers aq edhe komik. Presidenti Cellino e ka cilësuar një bast të humbur e të gabuar, blerjen e futbollistit, por tani as nuk e la të hyjë madje në stërvitje.
Mario Balotelli u shfaq njëzet minuta para orës 9 në mëngjes në qendrën sportive Torbole Casaglia te skuadra e “Dallëndysheve” dhe pas një takimi të shkurtër me një punonjës të kompanisë ai detyrua të kthehej në shtëpi. Brescia nuk lejon që sulmuesi të rifillojë stërvitjen. Mario, duke e lënë qendrën sportive ndoshta si pa dashur lëshoi dhe një frazë te gazetarët e pranishëm aty: “Tani thoni po deshët që nuk dua të stërvitem …”.
Përplasjet mes SuperMario dhe presidentit dhe Massimo Cellino janë pasuruar me një kapitull të ri. Pas çertifikatës mjekësore të Balotelli për gastroenteritin (që do të skadonte sot), erdhi apeli i klubit për të ndërprerë në mënyrë të njëanshme kontratën dhe tani mohimi i qendrës për stërvitjen e lojtarit.
Ky i fundit nuk ka respektuar oraret dhe ka shkelur rregulloren, por këtë tezë të klubit, futbollisti e mohon.
