Juventus po provon ende pa nisur merkatoja, të sigurojë një “xhevahir” për mesfushën, e madje për të arritur ku duhet, do të privohet nga jo pak klas, në të njëjtin repart. Trajneri Maurizio Sarri dëshiron një “regjisor” në sezonin e ardhsmë te “Zonja e Vjetër”. Nëse ai është dikush që tashmë e njeh futbollin e tij, aq më mirë. Kjo është arsyeja që Juve ka lëvizur prej javësh në sulmin e koordinuar me agjentin e Jorginho.
Italo-braziliani vlerësohet 50 milionë euro dhe në kohë pandemish si këto që po kalojmë, është një pengesë serioze. Për këtë arsye, “entourage” drejtues i Juventus u përpoq të gjente një kundërpeshë teknike të mirë e të denjë që mund t’i pëlqente Bluve të londrës. Një strategji që çon gjithashtu në sakrificën e mundshme të Douglas Costa, me vlerë midis 40 dhe 45 milionë Euro, vetëm për të arritur tek futbollisti i përfaqësueses italiane.
Për të arritur tek nxënësi i Sarri, një qëllim i vërtetë këtë merkato, pronari i Juventus është i gatshëm të sakrifikojë sulmuesin brazilian. Chelsea, megjithatë, preferon para “cash” duke marrë parasysh super merkaton e bërë deri më tani, pasi u çlirua nga “prangat’ e transferimeve. Ziyech fillimisht erdhi nga Ajax, pastaj marrëveshja me Werner. Tani bëhet fjalë për shitjen dhe arkëtimin e milionave. Ardhja e Douglas Costa, megjithatë, mund të ishte e dobishme për të mbuluar ato zona të fushës të varfëruara nga largimi, në fund të këtij sezoni, të dy parametrave zero: Pedro dhe Willian.
