Në renditjen e fundit të CIES (Centre International d’Etude du Sport) mes analizës ekonomike të futbollistëve, bie në sy se portieri shqiptar Thomas Strakosha, po ngjit dukshëm hierarkitë globale. Gardiani kuqezi dhe ndoshta lojtari më i vlefshëm i armatës së trajnerit Reja, është i 16 në planet në renditjen e portierëve më të kushtueshëm.
Strakosha ka një vlerë të paktën 23 milionë Euro në treg, edhe pse Lazio nuk do ta lëshojë për më pak se 30 mbrojtësin ekstrem të Shqipërisë.
Por kush është nr. 1? Ederson Moraes i Manchester City është mbi të gjithë homologët e tij në renditjen e vlerës më të lartë në treg. Pas brazilianit, një tjetër bashkëkombas nga vendi i sambës: Alisson Becker i Liverpool. Në “Top 10” sipas algoritmit të CIES që analizon edhe moshën e paraqitjet, si dhe kontratën, shihet se një premtim i madh si Donnarumma, është jashtë listës.
1) Ederson (86,8 milioni)
2) Alisson (84,2)
3) Kepa (76,4)
4) Oblak (52,7)
5) Ter Stegen (50,2)
6) Courtois (47,5)
7) De Gea (47,3)
8) Pickford (45,2)
9) Pau Lopez (37,9)
10) Meret (35,7)
11) Donnarumma (35,2)
