Pas 8 vitesh aventura e Thiago Silva te skuadra franceze e PSG ka marrë fund. Drejtori i klubit parizien, braziliani Leonardo ishte parashikuar se do të thërriste brazilianin 35-vjeçar për të konfirmuar gatishmërinë e tij për të mos zgjatur kontratën që skadon në 30 qershor. Por edhe pse u shty, takimi mbetet në axhendë.
Në këtë pikë mbrojtësi qendror i “Seleçao” do të duhet të gjejë një fanelë tjetër dhe admiruesit nuk mungojnë në hartën e klubeve europiane. Në gjurmët e Thiago Silva është Milan, klubi që e solli atë në Evropë në dhjetor 2008, dhe që ëndërron ta rikthejë në prapavijë si një siguri shtesë. Por jo vetëm kaq. Edhe Everton i trajnerit Carlo Ancelotti synon të bëjë lëvizjet e duhura në një merkato të kushtëzuar nga pandemia.
Thiago Silva brenda disa javësh do të jetë një transferim falas. Ende nuk është e qartë nëse kontrata do të rinovohet deri në fund të gushtit, për ta lejuar atë të përfundojë Ligën e Kampionëve, apo do të lihet i lirë në fund të muajit. Dy ekipe e futin atë aktualisht në orbitë për ta marrë. Hipoteza më sugjestionuese është Milan, por burime pranë lojtarit Brazilian bëjnë të ditur se ai intrigohet jo pak, nga transferimi në kampionatin më të fortë të planetit.,
