Një fabrikë e pasurimit të bakrit është gjobitur me 2 milionë lekë për shkak se ka kryer krime mjedisore
Inspektorati Kombëtar i Mjedisit dhe Territorit, në bashkëpunim me Policinë e Shtetit, ka bërë kontrolle në “Fabrikën e Bakrit” Fushë Arrëz, sipas planit të masave të hartuara enkas për vijat ujore në vend.
Nga ky kontroll u konstatua se kjo fabrikë shkarkonte ujërat e ndotura industriale në lumin Fan, duke sjellë si pasojë ndotjen e lumit.
IKMT mori masë administrative me gjobë 2 milion lekë, për shkeljen e kryer ndaj këtij subjekti.
“IKMT dhe Policia e Shtetit vijon punën evidentimin dhe parandalimin e ndotjes mjedisore në lumenjtë e vijat ujore në vend si dhe ndëshkimin e çdo kundërvajtësi, dhe njëkohësisht fton çdo qytetar të denoncojë shkeljet në numrin 112 ose përmes Komisariatit Dixhital”, deklaron Policia e Shtetit.k.t/Fjala.al/
