Deputeti i opozitës, Myslim Murrizi ka thënë sot gjatë takimit midis opozitës parlamentare dhe asaj jashtë-parlamentare se nuk mund të bëhet Reformë Zgjedhore me ata që sipas tij i vjedhin votat.
Murrizi deklaroi se është dakord për votim elektronik, ndërsa më tej shtoi se duhen lista të hapura, pasi kjo praktikë ndiqet edhe në vendet perëndimore.
“Ne nuk kemi një kauzë për mandat deputeti. Për ne nuk ka rëndësi nëse jemi apo jo aty, për ne ka rëndësi që për qytetarët të ketë vlerë vota. Nga prilli është vrarë gara, është vrarë vota, është vrarë gara në politikë, edhe në biznes kudo. Edhe në një sondazh të fundit, 82 për qind të shqiptarëve e konsideronin paktin si të jashtë-ligjshëm. Shqiptarët ka 3 zgjedhje që nuk zgjedhin, por ata thjesht votojnë, si në kohën e komunizmit funksionon.
Vendet e hapura janë praktikë në zona ku ka demokraci. Emigrantët nuk votojnë, kjo sepse nuk iu leverdis, se nuk bëhen as kryeplak as ndonjë post nuk marrin.”-u shpreh deputeti.k.t/Fjala.al/
