Për hatër të balancave politike, Damian Gjiknurit iu desh të hiqte dore nga depolitizimi i komisioneve.
Për një kohë relativisht të gjate opozita ishte betuar se Gjiknuri ishte i vetmi njeri që ata nuk do të uleshin në një tryezë. E megjithatë së bashku firmosën një marrëveshje. Në një intervistë për Abcnews, Gjiknuri tregon se sot ai skanon vlerat e kësaj marrëveshje.
Fjala e plotë
“Ky ligj është i shkruar nga opozita, kjo marrëveshje përgjithësisht ka reflektuar kërkesat e opozitës. A ishte kjo më e mira për të arritur rekomandimin? Jo, këtë e them me plot bindje, por nga ana tjetër a është e rëndësishme për paqen në vend? E them me plot bindje që po, pasi PD u kthye në tryezë dhe njohu institucionet zgjedhore”
“Porosia që kam pasur nga kryeministri si negociator që kam qenë, ishte: “Adresohu në maksimum me shqetësimet që ka opozita, në mënyrë që çdo lloj alibie t’i hiqet këtij vendi, sepse kemi marrë një njollë të pamerituar”.
gj.b/fjala.al
