Me 2 çmime Oskar, 4 fëmijë dhe një martesë të gjatë Cate Blanchett është gruaja që i ka të gjitha. Por aktorja australiane insiston se ende sot, gratë duhet të luftojnë, për të bërë karrierë dhe për të qenë një mama e mirë.
51 vjeçarja, e cila u bë e famshme ndërkombëtarisht me rolin e saj si Mbretëresha Elizabeta I në dramën historike të vitit 1998, pranon se për femrat, gjithçka është më e vështirë, pasi meshkujt e kanë më të vështirë të marrin përsipër përgjegjësitë. Cate pranon gjithsesi se është me fat që në krah ka një bashkëshort si Andrew Upton, një skenarist australian. Çifti u njoh në setin e xhirimeve në vitin 1996.
Fillimisht asaj iu duk arrogant por pas 3 javësh që shoqëroheshin bashkë, Andrew i propozoi për martesë dhe sot bëhen 22 vite të martuar së bashkë dhe kurrë fjala ndarje apo divorc nuk është përmendur prej tyre, as në ditët më të vështirë.
Kate dhe Andrew janë prindër të tre fëmijëve, Dashiell 18, Roman 16 dhe Ignatius 12 vjeç dhe në 2015 adoptuan edhe vajzën e vogël Edith, sot 5 vjeçe. Por në këto ditë të vështira nga pandemia koronavirus, Kate thotë se vlerëson mbi gjithçka familjen, kujdeset për edukimin e fëmijëve, gatuan dhe adhuron çdo ditë e më shumë kopshtarinë.
Edhe pse ka arritur gjithçka ka dëshiruar në jetë, Cate Blanchett thotë se ajo që urren më shumë në këtë botë është trajtimi që i bëhet femrës, ende në vitin 2020. Ajo ju bashkua lëvizjes MeToo, që nisi në 2017 pas publikimit të skandaleve të producentit Harvey Weinstein dhe kundër ngacmimeve seksuale. Sot aktorja 51 vjeçare e sheh veten si një aktiviste të vlerave familjare./Fjala.al/Burimi:TheSun
