Sekretari i shtetit amerikan Mike Pompeo në një konferencë për mediat ditën e sotme ka folur për lirinë e vendeve të ndryshme të botës, por gjithashtu ai ka folur rreth situatës në Shqipëri.
Duke qenë se temë kryesore në Shqipëri është Reforma Zgjedhore ai është shprehur se mirëpret marrëveshjen ndër-partiake të Shqipërisë për Reformën Zgjedhore e cila do të forcojë demokracinë e vendit dhe do ti jap shtysë Shqipërisë drejt Bashkimit Evropian. Gjithashtu ai u bëri thirrje palëve të mbështesin marrëveshjen politike.
“Unë gjithashtu mirëpres marrëveshjen ndër-partiake të Shqipërisë për reformën zgjedhore, e cila do të forcojë demokracinë e saj dhe do të forcojë më tej të ardhmen evropiane të Shqipërisë. Ne inkurajojmë të gjithë palët e interesuara të kodifikojnë këtë marrëveshje politike.”– tha Pompeo.
Re.Gu/Fjala.al
