Rritja e numrit e të infektuarve me Korona në Shqipëri “ishte i pritshëm”. Kështu u shpreh mjeku Pëllumb Pipero. Ky i fundit tregon arsyet që na çuan në shifrat më të larta të të infektuarve që nga fillimi i epidemisë.
“Në radhë të parë është heqja e të gjitha masave kufizuese 10-15 ditë më përpara, së dyti është hapja e shumë aktiviteteve ekonomike, baret restorantet, një ndikim kanë pasur edhe tubimet dhe protestat e ndryshme. Po ashtu, një arsye tjetër që e besoj fort është shtimi i numrit të testimeve përmes gjurmimit”.
Mjeku shton se me hapjen e plotë të vendit ra vigjilenca e qytetarëve, madje edhe e vetë stafeve mjekësore të cilët krijuan vatra infeksioni në shërbime të caktuara, shkruan A2.
Sipas Piperos, situata pritet të përmirësohet pasi agresiviteti i virusit ka rënë.
“Ky është konstatim edhe i kolegëve në botë, ka rënë transmetueshmëria dhe virulenca, por virusi vazhdon të qarkullojë. Koha e gjatë e ekspozimit bën të kemi raste të tjera pozitive dhe të sëmurë. Ndaj, duhet të kemi shumë kujdes. Pas 3 ditësh, situata besoj do të përmirësohet”
Bo.Ba/fjala.al
