Organizata më e lartë e futbollit botëror zbriti në skenë për të folur mbi një çështje të ndjeshme për këtë sport, mbi merkaton e klubeve që pashmangshmërisht ndikohet nga pandemia. FIFA dëshiron të caktojë një datë të përbashkët për fillimin e transferimeve. Një vendim që nuk është i favorshëm për shumë klube dhe disa lojtarë, kontrata e të cilëve skadon në 30 qershor.
FIFA ka shprehur mendimin e saj për një sezon që do të zgjasë gjatë gjithë verës dhe me çështjen e kontratave që skadojnë në fundin e këtij muaji. Ideja e institucionit më të madh botëror është që të mos lejojë lojtarët të ndryshojnë skuadrat para se të përfundojë sezoni, duke zgjatur në mënyrë efektive kohëzgjatjen e kontratave. Për ta bërë këtë FIFA dëshiron të krijojë një datë të përbashkët për fillimin e transferimeve,
Është disi e lehtë për tu thënë, por më pak e loehtë për tu aplikuar në praktikë. Para së gjithash, ekziston problemi i vullnetit të lojtarëve, të cilët, me skadimin e 30 qershorit, kanë të drejtë të çlirojnë veten e tyre nga detyrimet kontratuale. E vetmja siguri është nevoja për të gjetur një marrëveshje sa më shpejt të jetë e mundur sepse data po afron dhe FIFA mund të gjendet përpara një ngërçi që do shtojë problemet ekonomike të agravuara nga pandemia.
