Kryedemokrati Lulzim Basha ka reaguar pas takimit me Presidentin e Kosovës Hashim Thaçi duke bërë me dije se çfarë diskutuan gjatë takimit në selinë blu.
Në një reagim në Twitter, Basha shkruan se u diskutua për zhvillimet aktuale dhe ato të pritshme në Kosovë. Ai shkruan se është i bindur se me pjekuri, durim, forcë e mençuri politikanët e Kosovës do t’i tejkalojnë me sukses të gjitha sfidat që kanë përpara.
Postimi i plotë:
“Me Presidentin e Kosovës Hashim Thaçi biseduam për zhvillimet aktuale & ato të pritshme në Kosovë.Forcimi i shtetit të Kosovës,bashkëpunimi me partnerët SHBA&BE për të përmbyllur bisedimet me Serbinë duke respektuar sovranitetin & tërësinë territoriale,integrimi euroatlantik janë sfidat e Kosovës në të cilat unë dhe PD do të vijojmë të japim mbështetjen dhe kontributin tonë të pakursyer. Jam i bindur se me pjekuri, durim, forcë e mençuri politikanët e Kosovës do t’i tejkalojnë me sukses të gjitha sfidat që kanë përpara.” shkruan Basha./En.Br./Fjala.al
