Kreu i Forumit Rinor të Partisë Demokratike, Belind Këlliçi ka denoncuar me foto daljen e tezës së provimit të Gjuhës Shqipe të Maturës Shtetërore, përpara përfundimit duke dëshmuar dhe se maturantët kishin hyrë me telefona në provim
Përmes një reagimi në Facebook, ai pretendon se teza ka qarkulluar ditën e sotme në “Whats App” përpara se të përfundonte provimi.
Këlliçi shkruan se kjo gjë ndodh prej 7-vitesh dhe nuk është marrë asnjë masë për parandalimin e këtij fenomeni.
Postimi i plotë:
Këto janë tezat e provimit të Maturës Shtetërore, të cilat janë publikuar dhe dërguar nëpër grupe Whatsapp-i para se provimi të mbahej.
Ministria e Arsimit, Sportit dhe Rinisë përfundimisht e ka damkosur emrin e vet duke përdorur skema të tilla për të fituar votues të rinj. Besa Shahini vazhdon të shkojë nga dështimi në dështim!
Është i shtati vit rradhazi që raste të tilla bëhen publike, megjithatë, asnjë masë nuk është marrë për parandalimin e këtij fenomeni.
Nuk është rrjedhje informacioni, është një mënyrë kriminale për të shitur tezat dhe për të fituar votuesit.
/En.Br./Fjala.al
https://www.facebook.com/975204015836064/posts/3086026388087139/?d=n
