Kufijtë njerëzorë nuk kanë kufij dhe, rrjedhimisht, sporti mund të luhet edhe në hapësirën kozmike. Kanë qenë pikërisht dy kozmonautë rusë, të vendosur në një stacion ndërkombëtar hapësinor, që kanë luajtur nëpërmjet Internetit me Mjeshtrin e madh ndërkombëtar të shahut, Sergej Karjakin.
Pas 25 minutash lojë, ndeshja është mbyllur në barazim. Dy kozmonautët rusë, që gjenden në Stacionin Ndërkombëtar Hapësinor (ISS) kanë luajtur një lojë shahu, të transmetuar drejtpërdrejt në Tokë, ku përballë kishin një mjeshtër të madh shahu si rusi Karjakin.
Të pajisur me një fushë shahu, në formë tableti, dhe kushtet e gravitetit zero, Anatoli Ivanishin dhe Ivan Vagner, nëpërmjet platformës komunikuese sociale “Skype”, luajtën kundër mjeshtrit të madh ndërkombëtar, i cili ndodhej në Muzeun Hapësinor në Moskë. Loja përfundoi pas 25 minutash në barazim. Ndeshja është transmetuar drejtpërdrejt në kanalet televizive ruse dhe është ndjekur nga mijëra pasionant të lojës së shahut.ka.ta/Fjala.al/
