Ideja e fundit sugjestionuese që i bashkohet valës së hipotezave për kupat europiane të futbollit, kalon përtej “Final 8”. Gazeta gjermane Bild raporton se UEFA do të përdorë kryeqytetin portugez, Lisbonën jo vetëm për ndeshjet e programuara direkte por si vendi i vetëm për të përfunduar Ligën e Kampionëve 2019-20, duke filluar me ndeshjet që mungojnë nga kthimi i raundit të 16.
Jo vetëm teatri i “Final Eight”, siç u shfaq në ditët e fundit, por sfidat që duhet të rikuperohen. Sipas Bild, qyteti i Lisbonës do të presë të gjitha garat e mbetura të turneut elitar europian. Duke u nisur nga kthimi i raundit të 16 që përfshin Barcelona-Napoli dhe Juventus-Lyon. Me pak fjalë, të gjitha në Portugali në gusht dhe menjëherë, kjo do të ishte zgjidhja optimale.
Tani për tani, skenari i Bild është vetëm një hipotezë, sepse kalendari zyrtar i të ardhmes së garave kontinentale, jo vetëm Champions, por edhe Europa League do të vijë vetëm nga takimi i Komitetit Ekzekutiv të UEFA, i planifikuar për ditën e Mërkurë 17 Qershor. Deri atëherë, planet në Lisbonë do të jenë vetëm thashetheme, megjithëse gjithnjë e më këmbëngulëse. Komiteti Ekzekutiv jo vetëm që do të vendosë për edicionin aktual, por edhe për tuneun tjetër, duke filluar nga data e nisjes.
