Ditën e djeshme u shënua piku i infektimeve prej koronavirusit, qysh nga nisja e pandemisë, me plot 42 raste.
Por edhe në orët e fundit ritmi duket i lartë, ku paraprakisht raportohet për konfirmimin e rastit të parë në Gjirokastër.
Bëhet fjalë për një burrë, i cili kishte qenë i shtruar për hepatit C, në Qendrën Spitalore Universitare Tiranë, ku dhe dyshohet të ketë marrë virusin.
Ndërkohë edhe në Vlorë është konfirmuar një rast i ri dhe bëhet fjalë për një bojaxhi.
Mësohet se i infektuari kishte punuar ditëve të fundit si bojaxhi në Himarë, ku dyshohet se ka pasur kontakte me një person nga Tirana.
Edhe në Krujë, nga testimet e kryera në orët e fundit janë konfirmuar 3 raste të reja infektimesh./Bl.Ba/Fjala.al
