Gjatë përditësimit të situatës së Covid-19 në vendin tonë Ministria e shëndetësisë bëri me dije se sot humbi jetën një 59-vjeçar nga qyteti i Lushnjës.
Ky person ka pasur edhe sëmundje të tjera bashkëshoqëruese, ndër to edhe probleme me zemrën. 59-vjeçari është viktima e 35-ë e Covid-19 në vendin tonë.
“Mëngjesin e sotëm ka ndërruar jetë në spitalin infektiv një pacient 59 vjeçar nga Lushnja, i shtruar prej 6 ditësh në terapi intensive, i konfirmuar me Covid19. 59-vjeçari vuante nga Kardiomiopati e dilatuar, sëmundje renale kronike, diabet mellitus, anemi. Pas asistencës së madhe të stafit mjekësor në terapi intensive, 59 vjeçari nuk ka mundur të mbijetojë. Ministria e Shëndetësisë i shpreh ngushëllime familjarëve të të ndjerit”, bëri me dije ministria.ka.ta/Fjala.al/
