Në revolucionin e Chelsea këtë verë, do të sakrifikohen lojtarë të rëndësishëm për ti bërë vend gardës së re të nevojshme dhe të kërkuar nga trajneri Lampard, për të ringjitur ekipin në majat e Europës. Tekniku i Blues do të duhet të shesë për të nënshkruar më pas me emra si Havertz, Chilwell dhe Werner, dhe kjo mund të nënkuptojë daljen e detyruar për një mori fituesish të Premier League.
Klubi londinez me gjasë do lëvizë një numër të madh lojtarësh për të ndihmuar në financimin e shpenzimeve të verës. E ardhmja e yjeve si Ross Barkley, Jorginho, Pedro, Emerson Palmieri, Marcos Alonso dhe Michy Batshuayi është më shumë sesa në dyshim. Ndërsa shumica e klubeve janë duke llogaritur koston financiare të krizës së koronavirusit, Chelsea është i zënë duke bërë lëvizje në tregun e transferimeve.
Pas përfundimit të nënshkrimit të sulmuesit të Ajax, Hakim Ziyech, Blues tani kanë rënë dakord për një marrëveshje 53 milionë Euro for për yllin e RB Leipzig, Timo Werner. Frank Lampard gjithashtu dëshiron Kai Havertz të Bayer Leverkusen të vlerësuar me 75 milionë ndërsa Ben Chilwell i Leicester mbetet objektivi i tij i parë në linjën e majtë.
Shpenzimet e tyre mund të arrijnë në 250 milionë paund nëse ato përfundojnë sipas planit. Pronari Roman Abramovich i ka premtuar Lampard fondet që ai nuk ishte në gjendje të shpenzonte gjatë bllokadës së transferimit të verës së kaluar.
