Vetëm pak muaj më parë ishtre mes futbollistëve më të paguar të botës, por pasi vendosi ti japë lamtumirën sportit, di sesi ti shpenzojë paratë e tij. Ezequiel Lavezzi ish futbollisti i kombëtares argjentinase ka “vuajtur” një karantinë të denjë për sheikët.
Ish sulmuesi i Napolit fillimisht kaloi dy muaj në ishullin francez të Karaibeve, në Saint Barth së bashku me të fejuarën e tij Natalia Borges, dhe më pas fluturoi me një charter privat i vetëm në Saint Tropez, ku endet mes dfallgëve dhe rivierës transalpine.
Sipas raportit të LAM qëndrimi në ishullin parajsë, mes rehatisë ekstra-luksoze dhe ekskursioneve të bukura, i ka kushtuar “El Pocho” plot 1,5 milion dollarë.
“Çdo javë akomodimi që Lavezzi dhe e dashura e tij kaluan ishullin francez në Karaibe kushtoi 175 mijë euro, pak a shumë 25 mijë euro në natë. Por këtu nuk futen shpenzimet shtesë që nënkuptojnë një qëndrim të denjë për VIP dhe me kërkesa mbi normalen që nga shampanja e shtrenjtë e deri te banjat me qumësht e trëndafila.
Nëse ka diçka që Pocho mësoi gjatë kohës së tij në Evropë, është shija e rafinuar për jetën e mirë. Verërat ekskluzive të servirura në tryezën e tij tejkalonin pagën mujore të çdo punëtori argjentinas. Çdo shishe kushtonte midis 400 dhe 4,000 euro. Historia e keqe e zhvatjes nga një grup kriminal në Instagram, për disa foto intime duket tani si një kujtim i largët.
