Maturantët vijojnë të protestojnë përpara Ministrisë së Arsimit që prej mëngjesit të ditës së sotme. Ata kërkojnë që të bëhet rivlerësimi i provimit të Gjuhës Shqipe dhe Letërsisë që u zhvillua ditën e djeshme, pasi thonë se ishte shumë i vështirë dhe i pakuptimtë.
Ata kanë kërkuar përgjigje nga Ministrja Besa Shahini ose në të kundërt kanë lajmëruar se do të bojkotojnë provimet e mbetura.
Bazuar në shqetësimin dhe protestën e maturantëve Ministria ka paralajmëruar se në orën 14:45 do të ketë një konferencë nga Drejtoresha e Qendrës së Shërbimeve Arsimore (QSHA), Rezana Vrapi.
Ndërsa maturantët kërkojnë që përgjigjen ta marrin vetëm nga ministrja Shahini
Protesta e sotme është mbështetur edhe nga Unioni i Këshillit Studentor, të cilët theksojnë se: “Ne u qëndrojmë pranë në këtë moment delikat dhe të vështirë për vazhdimin e jetës akademike të tyre. Kërkojmë nga ministria që sa më parë të kthejë një përgjigje për shqetësimet e maturantëve!”.ka.ta/Fjala.al/
